Республикăра Чăваш автономи облаçĕ йĕркеленнĕренпе 105 çул çитнине паллă тума хатĕрленеççĕ. Çавна май тĕрлĕ мероприяти ирттерме палăртнă.

Кăçал «Земля вкуса» гастрономи фестивалĕ пĕрремĕш хут иртĕ. Малтанлăха палăртнă тăрăх, унта 40 регионтан тĕрлĕ тавар, апат-çимĕç туса илекенсем хутшăнĕç.Çавăн пекех «Руç ăстисем», «Раççей çăлкуçĕсем», «Раççейĕн симĕс ылтăнĕ», «Раççей чунĕ, Атăлçи» фестивальсем иртĕç. Çырла фестивалĕ те пулĕ.

Сăмах май, кăçал Республика кунĕ Шупашкарта тата Етĕрне округĕнче иртмелле. Етĕрнере уявра хăмла музейĕ уçăлĕ.