Июнĕн 11-мĕшĕнчен тытăнса 15-мĕшĕчченхи тапхăрта республикăри çулсем çинче мототранспорт хутшăннипе пулакан инкексенчен асăрхаттарас тĕлĕшпе ятарлă тĕрĕслев иртнĕ.

Çак рейд вăхăтĕнче мототранспорт хатĕрĕсен водителĕсем тĕлĕшпе административлă право йĕркине пăснă тĕслĕхсем тăрăх 119 ĕç пуçарнă. Çав шутра: транспорта ÿсĕрле тытса пынăшăн – 11, права çуккине пăхмасăрах транспортпа çÿренĕшĕн – 43, права çук çынна мототранспорт шанса панăшăн – 12.

Çул çитмен ачасем тĕлĕшпе административлă явап тыттарасси пирки 34 протокол çырнă.