Республикăра амăш (çемье) капиталĕн шучĕпе пама пăхнă 128,9 миллион тенкĕпе 1100 ытла çемье усă курнă.

Чăваш Енри Ĕçлев министерствин пресс-службинчен пĕлтернĕ тăрăх, кăçалхи сакăр уйăхра амăш капиталĕн укçине çак тĕллевсемпе тăкакланă:

603 çемье пурăнмалли çурт-йĕр условийĕсене лайăхлатма 111, 5 миллион тенкĕ пĕтернĕ;

322 çемье 20 пин тенкĕ пĕр вăхăтлăх тÿлев илнĕ (6,4 миллион тенкĕлĕх);

157 çемье ачисене вĕрентме 7,3 миллион тенкĕ куçарнă;

19 çемье автомашина туянма 3,7 миллион тенкĕ пĕтернĕ.

Аса илтеретпĕр: республикăри амăш (çемье) капиталĕн укçи-тенкипе 2012 çултан пуçласа нумай ачаллă 17 пин те 974 çемье пĕтĕмпе 1 592,5 миллион тенкĕлĕх усă курнă.

Çак укçана «Çемье» наци проекчĕпе килĕшÿллĕн параççĕ