Çанталăк тăрук сивĕтме тытăнчĕ. Çавăнпа хваттерсене хутса ăшăтассипе çыăннă ыйтăва хускатни те вырăнлă.

Шупашкар хулин пуçлăхĕн тивĕçĕсене вăхăтлăха пурнăçлакан Станислав Трофимов пĕлтернĕ тăрăх, кунта ăшăпа тивĕçтермелли тапхăр сентябрĕн 26-мĕшĕнче пуçланĕ. Чи малтан больницăсемпе шкулсене, ача сачĕсене тата поликлиникăсене ăшăтма тытăнĕç.

Сентябрĕн 26-мĕшĕнче Çĕнĕ Шупашкарта та шкул çулне çитмен ачасем çÿрекен учрежденисене ăшăпа тивĕçтерме пуçлĕç, 29-мĕшĕнче вара - больницăсене, шкулсене тата социаллă объектсене.

Пурăнмалли çуртсене вара каярахпа ăшă пама пуçлĕç, тĕрĕсрех каласан, пилĕк кун хушши сывлăш температури вăтамран 8 градус ăшă тăрсан.

Синоптиксем пĕлтернĕ тăрăх, ăшă çанталăк текех каялла таврăнмĕ. Сентярь уйăхĕн вĕçĕнче пĕрремĕш юр çĕр çине ÿкме пултарĕ.