2019 çулхи январĕн 1-мĕшĕнче Раççейре «Производство тата хытă каяшсем çинчен» федераци саккунне тÿрлетÿсем кĕртнипе çыхăннă «çÿп-çап реформи» пуçланнăччĕ. Халĕ ку ыйтупа регионти операторсем ĕçлеççĕ.

Пĕлтĕр сентябрĕн 1-мĕшĕнче коммуналлă хытă каяшсемпе (ТКО) çыхăннă çĕнĕ правилăсем вăя кĕчĕç. Çавăнпа Чăваш Енре урамсенчи çÿп-çап контейнерĕсене мĕн тăкма юранипе юраманни пирки аса илтереççĕ. Контейнер таврашне туратсем, çулçă, курăк тата строительствăри каяша тухса пăрахсан штрафлаççĕ. Мĕншĕн тесен вĕсем коммуналлă çÿп-çап шутланмаççĕ.

Йĕркене пăсакан уйрăм çынсене саккун 2 пинрен пуçласа 3 пин тенкĕ таран штрафлама ирĕк парать, предприяти-организацисене - 100 пинрен пуçласа 250 пин тенкĕ таран.

Курăкпа çулçăна компоста яма пулать е ятарласа ирĕк илнĕ организацисене чĕнсе ку тĕллевпе уйăрнă вырăна турттарса каймалла. Вĕсемех строительствăри каяша та кирлĕ çĕре ăсатма пултараççĕ.