Чăваш Республикинче вĕрентекенсен ĕç укçине часах ÿстересси паллă. Ку çĕнĕлĕх кăçалхи сентябрĕн 1-мĕшĕнчен вăя кĕрет. Çав уйăхран вĕрентекенсен оклачĕ 50 процент ÿсĕ. Кун пирки Чăваш Республикин вĕренÿ министрĕ Дмитрий Захаров пĕлтернĕ.

Хальхи вăхăтра педагогсен шалăвĕнче хавхалантаракан тÿ-левсем, премисем, ĕç пахалăхĕпе йывăрлăхĕшĕн хушса тÿленисем пысăк вырăн йышăнаççĕ. Малашне çав укçана тĕп пая - оклада - куçарĕç. Çавăн пекех нумай çул хушши ĕçленĕшĕн тата квалификаци категорийĕшĕн паракан тÿлев коэффициенчĕсене çĕнĕрен пăхса тухĕç.

Чăваш Республикин Вĕренÿ министерстви пĕлтернĕ тăрăх, педагогсен тĕп оклад никĕсĕн пайĕ хальхи 45 процентран 60-65 процента çитĕ.