Регионти Ялхуçалăх министерстви пĕлтернĕ тăрăх, Чăваш Республикинче вырма ĕçĕсене йĕркеллĕ ирттерсе яма çунтармалли-сĕрмелли материалсем çителĕклĕ хатĕрленĕ.
Топливăпа çыхăннă çивĕч ыйтусене хăвăрт татса пама аграри ведомствинче «хĕрÿ лини» ĕçлет. Республикăра бензинпа дизель çитменнипе маларах йывăрлăхсем пулнă. Топливăпа тивĕçтерекен «Татнефть» тата «Лукойл» станцисенче хаксем унчченхи майлах упранса юлнă, анчах та çĕрлесерен вĕсенче черетсем пĕтмеççĕ. Халĕ автозаправка станцийĕсенче АИ-95 маркăллă бензинăн пĕр литрĕ 150 тенкĕ тăрать, АИ-92 - 130 тенкĕ. Газ хакĕ те ÿснĕ.
Чăваш Ен правительствин оперативлă канашлăвĕнче топливăпа чи малтан социаллă транспорта, ялхуçалăх техникине тата ятарлă службăсен автомашинисене тивĕçтерме йышăннă.
