Улатăр округĕнче пурăнакан каччă право йĕркине сыхлакансене улталас тенĕ те хăй улталаннă.
Çирĕм виççĕ тултарнă йĕкĕт Çурçĕрте ĕçлесе пурăннă. Унăн тракторист правине илес килнĕ. Ятарласа вĕренсе тухас темен вăл, суя правана сутакана шыранă. Тĕнче тетелĕнче çавăн йышши пĕлтерÿ курсан, хайхи çамрăк питĕ савăннă. Праваллă пулас тесе, палламан çынна 45 пин тенкĕ укçа куçарса панă. Тракторист правине ярса парасса вăл пĕлтĕрхи сентябрь уйăхĕнчен пуçласа кăçалхи апрель уйăхĕчченех кĕтсе пурăннă, ултавçăсемпе пĕрмай çыру çÿретнĕ. Унтан, хăйне улталанине ăнланса илсен, йĕрке хуралçисенчен... пулăшу ыйтнă.
