Чăваш Енри Росреестр пĕлтернĕ тăрăх, республикăра пурăнакансем çулталăк пуçланнăранпа харпăр хăй вăйĕпе тунă 1671 çурт тĕлĕшпе тивĕçлĕ документсем тăратнă.

Кăçалхи тăватă уйăхра ку енĕпе Шупашкар округĕн кăтартăвĕсем пысăк – 693 çурт. Иккĕмĕш вырăнта – Шупашкар хули. Çĕрпÿ округĕнче çак çул граждансем 91 çурт туса пĕтернĕ, Канашпа Муркаш округĕсенче – 82 тата 81.

Кăçал çĕнĕ çуртсем Елчĕк (3), Шăмăршăпа Пăрачкав (5-шер), Çĕмĕрлепе Улатăр округĕ-сенче (6-шар) пуринчен те сахалрах хута янă.

«Юлашки виçĕ çулхи статистикăна илес пулсан, пирĕн республикăра уйрăм çынсен вăйĕ-пе çĕкленекен çуртсен шучĕ ÿсни курăнать. Аса илтеретĕп, 2025 çулхи март уйăхĕнчен пуçласа «туса лартнă – тивĕçлĕ документсем хатĕрле» принцип вăйра тăрать. Вăл хута янă çуртсенче кадастр учетнне тăратсан тата харпăрлăх правине алла илсен кăна пурăнма юранине пĕлтерет», – тет Росреестрăн Чăваш Республикинчи Управленийĕн ертÿçи Екатерина Карпеева.

М. ИВАНОВА.