Чăваш Енре ВИЧпа камсем ытларах чирленине палăртнă. Çак йышра арçынсем тата хулара пурăнакансем нумайрах пулни паллă.
ВИЧ ытларах ар çыхăнăвĕ урлă ерет. Унсăр пуçне наркотикпа айкăшакансен йышĕнче те чирлисем чылай. Хальхи вăхăтра республикăра ВИЧ-инфекциллĕ 3483 çын пурăнать. Иртнĕ уйăхра кăна 15 çынна шута илнĕ. Ку йышра - Çĕнĕ Шупашкарта, Шупашкарта, Çĕрпÿ тата Элĕк округĕсенче пурăнакансем.
