Тав тăватпăр, пуç таятпăр

Савăнатăп, савăнатăп

Майăн тăххăрмĕшĕнче.

Вăхăт-вăхăт кулянатăп -

Хурлăх пур чун варринче.

Савăнатăп çĕнтернишĕн

Вăрçăра фашистсене.

Хурланатăп çухатнишĕн

Анăçра тăвансене.

Чечексем пырса хуратпăр

Хурлăх палăкĕ умне.

Шăп пулса вара тăратпăр

Итлесе çил вĕрнине.

Çĕнтерÿ куççуллĕ, юнлă,

Çухатуллă, кăрсака.

Вăл выртать вут-çулăм урлă,

Ун масарĕ сарлака.

Тав тăватпăр, пуç таятпăр

Çĕнтерсе килнисене.

Ăшшăн, шăппăн асăнатпăр

Вăрçăра сÿннисене...

Михаил АНДРЕЕВ.