Чунпа эп фронтра

Чăваш ачисем те çÿреççĕ

Украинăри вăрçăра.

Ÿкеççĕ, тăраççĕ, переççĕ,

Выртаççĕ вилсен тупăкра.

Тăван çĕршыва пулăшасшăн

Яшсем тăшмана çĕнтерме.

Тивет çавăнпа юн тăкмашкăн,

Темле асапа та тÿсме.

Шанатпăр: Зеленский пушарĕ

Пăрахĕ-ха хурлăх тăкма.

Раççей тĕп тума пултарĕ

Ютран килекен çулăма.

Кăтартĕ-ха ыр телевизор

Вĕр-çĕн Çĕнтерÿ парадне.

Анчах пулас марччĕ-ха килсĕр,

Ярар парнесем çар фронтне.

Чунпа эп... тискер, алхасуллă

Фронтри ентешсем патĕнче.

Иртейччĕр вĕсем тăвăл урлă

Сып-сыввăн атакăсенче.

Килте эпир тăтăш кĕтетпĕр

Яшсем таврăнас кунсене.

Пурне те саватпăр, шеллетпĕр,

Сунатпăр телей кашнине.

Михаил АНДРЕЕВ.