Куславкка округĕнчи культура ĕçченĕсем пур енĕпе те маттур. Нумай пулмасть вĕсем республикăн тĕп хулинче иртнĕ сумлă мероприятие хутшăнма тивĕçлĕ пулчĕç.

Шупашкарти «Каскад» суту-илÿпе илĕртÿллĕ центрта июлĕн 18-мĕшĕнче «Пехет» ятпа вырăнти продукцие сутакан агромаркет ĕçлеме тытăнчĕ. Ăна уçнă чухне пултарулăх коллективĕсем хăйсен хаваслă юрри-ташшипе халăха савăнтарчĕç. Куракансем Çатрăкри «Нежность» ансамбле те ăшшăн кĕтсе илчĕç, кашни юрă хыççăн нумайччен алă çупрĕç.

Куславккари ачасен искусствăсен шкулĕн преподавателĕсем Татьяна Леснова тата Эдуард Волчков тĕрлĕ материалсене илемлетес тĕлĕшпе агромаркета пынисемпе мастер-классем ирттерчĕç.

О. МИХАЙЛОВА.