Апатлану пахалăхĕ çитĕнекен организмшăн уйрăмах пысăк пĕлтерĕшлĕ. Çавăнпа Тĕрлемесри вăтам шкулта поварсем вĕренекенсене чăннипех те тутлă апат çитерме тăрăшаççĕ.

Январĕн 28-мĕшĕнче 4-мĕш класра вĕренекенсен ашшĕ-амăшĕсен канашĕн хастарĕсем шкул столовăйĕ-нче хăйсен ачисене мĕнле апатлантарнине пырса тĕрĕслерĕç. Вĕсем апатлану графикĕпе, кашни кунхи тата вунăкунлăхри менюпа паллашрĕç, поварсем апата миçе грамм хурса панипе, менюпа килĕшÿллĕн пĕçернипе е пĕçерменнипе интересленчĕç.

Шкулта вĕренекенсен апатланăвне мĕнле йĕркеленине тĕрĕсленĕ хыççăн ашшĕ-амăшĕсем çапла палăртрĕç: пирĕн патра ачасем валли тĕрлĕ апат-çимĕç пĕçерсе хатĕрлеççĕ, вĕсем çирĕплетнĕ нормăсемпе килĕшсе тăраççĕ.

К. ГУРЕНЬКОВА,

директорăн воспитани енĕпе ĕçлекен заместителĕ.