Раççей халăх академийĕпе РФ Президенчĕ çумĕ-нчи патшалăх службин делегацийĕ мартăн 15-20-мĕшĕсенче пирĕн регионăн туризм майĕсемпе паллашнă. Самара хулинчен, Херсон облаçĕнчен, Хусантан, Чулхуларан, Мускавран килнĕ хăнасем çак кунсенче Куславкка округне килсе кайнă.

Ĕçлĕ тĕлпулу Николай Иванович Лобачевский Музей-çуртĕнчи экскурсирен пуçланнă. Хăнасем аслă математикăн пурнăçĕпе тата пирĕн тăван кĕтесĕн историйĕ-пе паллашнă. Унтан, хĕвеллĕ кунпа киленсе, Куславккари Атăл хĕрринче уçăлса çÿренĕ.

Ку визит «Туризм и гостеприимство» наци проекте пурнăçланин пĕр пайĕ шутланать. Хăнасем туристсене йышăнмалли шай пирĕн пысăк пулнине палăртнă тата хапăл туса кĕтсе илнĕшĕн тав тунă. Вĕсем çавăн пекех Куснар ялĕ çывăхĕ-нчи «Чĕмсĕр чикĕсене тăвакансене» мемориал комплексне çитсе курнă. Çак паллă вырăн Аслă Отечественнăй вăрçă вăхăтĕнче хÿтĕлев сооруженийĕсене тунă çынсене асăнса лартнă Раççейри пĕрремĕш палăк шутланать.