Чăваш Республикин Вĕренÿ институчĕ «Килсе курăр хăнана, хапăл тăвăр йыхрава!» видеороликсен конкурсне ирттернĕ.

Унăн тĕллевĕсенчен пĕри - ачасене тăван халăхăмăра тата Тăван çĕршыва юратма вĕрентесси. Кунсăр пуçне тата культурăпа эткерлĕх пуянлăхне асра тытасси. Çакна ачасен видеопултарулăх урлă кăтартса памалла пулнă.

Конкурса 7-8-мĕш классенче вĕренекенсем хутшăннă. Пурĕ 62 ача. Вĕсем хамăр республикăри 18 муниципаллă округран тата 2 хуларан пулнă, кунсăр пуçне Тутарстанри 5 районтан - Аксу, Пăва, Нурлат, Çарăмсан, Альметево.

Видеоконкурса хутшăннă маттур ачасене Чăваш Республикин Вĕренÿ институчĕ хавхалантарма палăртнă. Вĕсене асăнмалăх-савăнмалăх сертификатсем панă.