Тĕрлемесри вăтам шкулта пĕрремĕш класра вĕренекенсен ашшĕ-амăшĕсем «Ашшĕ-амăшĕн контролĕ» проектпа килĕшÿллĕн вырăнти столовăйне пырса тĕрĕслерĕç.Вĕсем ачасене тутлă çитернипе интересленчĕç, пĕçернĕ апата хăйсем те тутанса пăхрĕç.

Ашшĕ-амăшĕсем çавăн пекех менюпа паллашрĕç, апат хатĕрлекен пÿлĕме кĕрсе пăхрĕç. Столовăйĕнче пулнă хыççăн çакăн пек пĕтĕмлетÿ турĕç: кунти блюдăсем калориллĕ, вĕри, чи кирли - тутлă. Шкулта вĕренекенсем те тăхтавсем вăхăтĕнче столовăйне çÿреме юратни çинчен пĕлтерчĕç.

Пирĕн патра ачасене тутлă тата вĕри апат çитерессине пысăк тимлĕх уйăрнипе эпир те кăмăллă. Поварсен ĕçне çапла хаклани вĕсене малашне тата та лайăхрах тăрăшма хавхалантарать.

К. ГУРЕНЬКОВА.