Чăваш Енре çулталăк вĕçлениччен культурăн земство ĕçченĕсене татах та палăртĕç. «Культурăн земство ĕçченĕ» программа республикăра «Çемье» наци проекчĕпе килĕшÿ-ллĕн пурнăçланать. Çак чыса тивĕçнисене 1 миллион тенкĕ параççĕ, вĕсемпе 5 çуллăха контракт çырса хатĕрлеççĕ.

Республикăри ялсемпе хуласенче халлĕхе 12 специалист тăрăшать. Пиллĕкĕшĕ - Канаш округĕнче, ыттисем - Куславкка, Элĕк, Тăвай, Вăрнар, Елчĕк тата Çĕмĕрле округĕ-сенче. Ялта ĕçлеме килĕшекен культура ĕçченĕсене тепĕр хут суйласа илнĕ хыççăн вĕсен йышĕ Чăваш Енре 20 çынна çитмелле.